குறிப்புக்கள் - (Notes)
வேறுபாடுகள் - (Pathanthara)

மேற்கோள்கள்
² - பஞ்சாக்ஷர - ஐந்தெழுத்து - நமசிவாய - ஐந்தெழுத்தின் பெருமை.

³ - காம கோடி பீட₂ - லலிதா ஸஹஸ்ர நாமத்தில் (589) அம்மையின் பெயர் - 'காம கோடிகா' - காம கோடி பீடம்.

⁴ - ஸுவாஸினீ - லலிதா ஸஹஸ்ர நாமத்தில் (970) அம்மையின் பெயர்.
Top

விளக்கம்
¹ - மானோன்னதிம் தே₃ஹி - மான உயர்வு தருவாய். புத்தகங்களில், 'மானம்' என்ற சொல்லுக்கு, 'பெருமை' என்று பொருள் கொள்ளப்பட்டுள்ளது. என் சிற்றறிவுக்கு எட்டியவரையில், இறைவனின் உண்மையான தொண்டர்கள், தங்களுக்கு, பெருமை உயரவேண்டுமென கேட்கமாட்டார்கள். ஏனென்றால், அத்தகைய பெருமையும், அதன் உயர்வும், ஒருவனுடைய அகங்காரத்தினை தீவிரப்படுத்துவதாகத்தான் அமையும். எனவே, 'மானம்' என்ற சொல்லுக்கு 'பெருமை' என்று பொருள் இங்கு பொருந்தாது என்று நான் கருதுகின்றேன்.
'மானம்' என்ற சொல்லுக்கு, 'அளவு (கோல்)' என்றும் ஒரு பொருள் உண்டு. அறிவு (intellect) என்னும் அளவுகோலினால், இறைவனை அளக்க, நாம் செய்யும் முயற்சிகளெல்லாம் வீணே. தீட்சிதர், தமது, 'மீனாட்சி மே முத₃ம்' என்ற க₃மக க்ரியா ராக கீர்த்தனையில், அம்மையை, 'மான, மாத்ரு₂, மேயே' - 'அளவுகோல் - அளவிடுபவள் - அளவிடப்படும் பொருள்' என்கின்றார். எனக்குத் தெரிந்தவரை, சியாமா சாஸ்த்ரியும், அந்தப் பொருளிலேயே இச்சொல்லினைப் பயன்படுத்துகின்றார் என்று நான் கருதுகின்றேன். 'உயர்வு தருவாய்' என்று அவர் கேட்பது, அந்த, 'அறிவெனும் அளவுகோலை'க் கடந்து, மெய்யுணர்வு பெறுவதற்கு வேண்டுகின்றார், என்று நான் கருதுகின்றேன். ஆயினும், பாரம்பரியமாக வரும், புத்தகங்களில் கொடுக்கப்பட்டுள்ள, பொருள் இங்கும் கொடுக்கப்பட்டுள்ளது.
Top
காலன் - நமன்
காலனுக்குக் காலன் - சிவன்
மானம் - பெருமை
ஐந்தெழுத்து - நமசிவாய
Top